Halaman

Pengikut

Khamis, 27 Januari 2011

CERITA BAHASA NENEK MOYANGKU


KOLEKSI CARITA HANDAP

Ngaran carita : IJOL AWAN BIDAH

Ijol mangahwini bidah masa bidah hanyar naik darjah lima sakulah ugama

dikampungnya. Sabujurnya bidah handak mahabisakan darjah anam hulu hanyar kawin dangan niat handak jadi ustazah dan mandalami ilmu agama, Taga uma awan ayah bidah mamaksa Bidah kawin awan Ijol.

Parkahwinan ini mambuahkan hasil 5 ikung anak . Kalima lima anaknya sudah bagawian suberataan dan kade badiam di kampong lagi. Tinggallah Ijol awan Bidahjua dikampung. Ijol ni gawiannya bajualan ikan awan sayur di babarapa buah kampong manaikai biskar nang kade harat benar. Samasa bajualan ni Ijol bakanalan awan janda anom anak 3 di kampong suberang.

Ijol ma’inta izin ka Bidah handak kawin saikong lagi sambil handak manulungi 3 ikung anak yatim tadi. Niat sucinya itu kade dihalang uleh bidah yang tahok akan hak lakinya itu.

Malam partama parnikahan lakinya awan Ijah janda. Mimanglah Bidah marasaakan pandaritaan jiwa nang dekde tandingannya. Ibarat “ manganggam hintalo boleh masak hintalo itu didalam ganggamannya”

Babarapa bulan partama nang dialui Bidah, Lakinya Ijol masih adil mambahagiakan hari. Bila ijah mula betianan, muntah muntah, Ijol tapaksa manggini’e Ijah nang kade tapi wagas tuh. Bila ijah baranak Ijol batambah aur. Bagewi mancari razaki, Anak pulang tatalo uji ke ijol. Bidah dah samakin tuhakjadi ijol mahabisakan harinya imbah bagawi dirumah Ijah.

Ijol tiap hari mahantar ikan awan sayur ka tumah Bidah dalam parjalanan bajualan. Itulah sakali sahari partamuan Ijol awan Bidah, Kade lagi manggini’e Bidah nang dalam kasunyian dimalam nang hawai. Bidah hanya manyimpan rasa sasakali maingati zaman manis masa anak halus halam.

Hari ini Ijol datang lagi karumah Bidah handak mahantari lauk, rumah kalihatan sunyi haja. Bakali kali ijol manghiau ngaran Bidah namun Bidah Hinip haja. Ijol asa sarek lalo naik karumah nang kade bakunci. Takajut Ijol manireng Bidah nang kajung kadinginan, Ada kuantan baisi baras tumpah dihiganya.

Bidah dah tulak jauh manamui Tuhannya, Tiap hari ijol lalu dihadapan rumah buruk nang kade taharagiu lagi.. Sasakali sadih jua didalam hatinya maingatakan cara Bidah maninggal saurangan itu, tagal satumat haja asadihnya, Linggok burit awan layanan masra Ijah manutup sagala kasadihannya..


2 ulasan:

misz eyza berkata...

tahaga mana cerita ni? ka mengulah sendiri? :D

Aiirell Husairy berkata...

Tahaga di kolej. Lecturer bagi. haha XD Sbb kitorang buat research pasal Banjar. hehe